وزیرِاعظم یوتھ بزنس اور زرعی قرضہ اسکیم
جائزہ
وزیراعظم کامیاب جوان – یوتھ انٹرپرینیورشپ اسکیم (PMKJ-YES) کا نیا نام وزیراعظم یوتھ بزنس اینڈ ایگریکلچر لون اسکیم (PMYB&ALS) رکھا گیا ہے۔ اس اسکیم کی خصوصیات میں تبدیلیاں کی گئی ہیں تاکہ یہ چھوٹے کاروباروں اور زراعت کے لیے زیادہ مؤثر اور مفید ثابت ہو۔
عسکری بینک اس اسکیم کے تحت ایسے نوجوانوں کو فنانسنگ فراہم کرتا ہے جو ہنر، علم یا تجربہ رکھتے ہیں، یا اپنے چھوٹے یا درمیانے درجے کے کاروبار کا آغاز یا اس میں توسیع کرنا چاہتے ہیں۔ اس اسکیم کا مقصد نوجوانوں کو روزگار کے مواقع فراہم کرنا اور خود مختار بنانا ہے۔
خصوصیات
فنانسنگ کی حد | نئے کاروبار کے لیے کم از کم سرمایہ (ایکوئٹی) | مارک اپ ریٹ |
| ٹیئر 2 – 15 لاکھ روپے تک | 90:10 | سالانہ% 5 |
| ٹیئر 3 – 75 لاکھ روپے تک | 80:20 | سالانہ% 7 |
| ٹیئر 4 – 4.5 لاکھ روپے تک | 80:20 | صفر (%0) |
- ٹرم لون یا ورکنگ کیپٹل لون، جس میں مشینری (زیادہ سے زیادہ 5 سال پرانی) اور مقامی طور پر تیار کردہ گاڑیوں (زیادہ سے زیادہ 7 سال پرانی) کی فنانسنگ شامل ہے۔
- گاڑی صرف کاروباری یا کمرشل استعمال کے لیے ہوگی۔
- ہر درخواست گزار کو صرف ایک گاڑی کی فنانسنگ کی اجازت ہے، البتہ فوڈ فرنچائز یا ڈسٹری بیوشن کے کاروبار کے لیے ایک سے زیادہ گاڑیاں لی جا سکتی ہیں۔
- کل فنانسنگ حد کا زیادہ سے زیادہ% 65 تعمیراتی کام (Civil Works) کے لیے استعمال کیا جا سکتا ہے۔
- زرعی شعبے کے لیے پیداوار اور ترقیاتی قرضے بھی شامل ہیں۔
قرض کی مدت:
- طویل مدتی / ترقیاتی قرض کے لیے زیادہ سے زیادہ مدت 8 سال
- ورکنگ کیپٹل قرض کے لیے زیادہ سے زیادہ مدت 5 سال
ایک درخواست گزار کے لیے قرضوں کی تعداد
- ایک فرد زیادہ سے زیادہ دو قرضے حاصل کر سکتا ہے (ایک طویل مدتی اور ایک قلیل مدتی)، مجموعی حد 75 لاکھ روپے تک۔
- زرعی شعبے میں ایک پیداوار اور ایک ترقیاتی قرض ایک ہی فرد کو دیا جا سکتا ہے، مجموعی حد 75 لاکھ روپے تک۔
خواتین پر خصوصی توجہ:
کل قرضوں کا% 25 خواتین درخواست گزاروں کے لیے مخصوص ہے۔
شعبے اور مصنوعات:
- تمام کاروباری شعبے اور مصنوعات شامل ہیں۔
- زراعت میں تمام فصلوں اور غیر فصل والے شعبوں کیلئے بھی فنانسنگ کی سہولت موجود ہے۔
انشورنس:
زندگی، گاڑی اورعمارت کی انشورنس لازمی ہوگی۔
اہلیت
- پاکستانی شہری جس کے پاس نادرا کا فعال قومی شناختی کارڈ ہو، عمر21 سے 45 سال کے درمیان ہو، اور کاروبار کرنے کی صلاحیت یا تجربہ رکھتا ہو۔
- ٹیئر 4 کے لیے عمر کی حد 18 سے 30 سال ہوگی۔
- آئی ٹی یا ای کامرس سے متعلق کاروبار کے لیے کم از کم عمر 18 سال مقرر ہے۔
- عمر کی یہ شرط صرف انفرادی کاروبار یا سنگل پروپرائٹرز پر لاگو ہوگی۔ اگر کاروبار پارٹنرشپ یا کمپنی کی شکل میں ہے تو کم از کم ایک مالک، پارٹنر یا ڈائریکٹر کی عمر مذکورہ حد میں ہونا ضروری ہے۔
- تعلیمی قابلیت: آئی ٹی یا ای کامرس کے کاروبار کے لیے کم از کم میٹرک یا اس کے مساوی تعلیم ضروری ہے۔
- کاروبار کی قانونی حیثیت: انفرادی، سول پروپرائٹر، پارٹنرشپ فرم یا لمیٹڈ کمپنی۔
ضروری دستاویزات
ٹیئر 2 اور ٹیئر 4 کے لیے:
- نادرا سے تصدیق شدہ قومی شناختی کارڈ کی نقل
- حالیہ تصویر
- نئے کاروبار کی صورت میں بزنس فیزیبلٹی رپورٹ
- پہلے سے موجود کاروبار کی صورت میں سالانہ مالیاتی گوشوارے
- تعلیمی اسناد (صرف آئی ٹی پس منظر رکھنے والے درخواست گزاروں کے لیے)
- اگر ملازمت کا پس منظر ہو تو تجربے کا سرٹیفکیٹ
- بجلی کے بل کی نقل
- دو ریفرنسز کے شناختی کارڈ کی نقول
- این ٹی این سرٹیفکیٹ (قرض کی رقم جاری ہونے سے پہلے لازمی)
- اگر کاروبار پارٹنرشپ یا لمیٹڈ کمپنی کے طور پر رجسٹرڈ ہے تو کمپنی کے وجود کے ثبوت اور متعلقہ منظوری کے دستاویزات
مندرجہ بالا لازمی دستاویزات کے علاوہ، درج ذیل دستاویزات بھی درکار ہو سکتی ہیں:
- اگر دستیاب ہو تو ہنرمندی یا دستکاری کا ثبوت
- کاروبار کے بارے میں مختصر تحریری خاکہ
- کسی اور آمدن کا ثبوت (جیسے بیرون ملک سے ترسیلات، تنخواہ یا زرعی آمدن)
- بینک اسٹیٹمنٹ یا بینک مینٹیننس سرٹیفکیٹ
ٹیئر 3 کے لیے:
- نادرا سے تصدیق شدہ قومی شناختی کارڈ کی نقل
- نئے کاروبار کی صورت میں بزنس فیزیبلٹی رپورٹ
- مالیاتی گوشوارے (اسٹیٹ بینک کے معیار کے مطابق)
- این ٹی این سرٹیفکیٹ (قرض کی رقم جاری ہونے سے پہلے لازمی)
- اگر کاروبار پارٹنرشپ یا لمیٹڈ کمپنی کے طور پر ہے تو متعلقہ دستاویزات اور منظوری
- بینک اسٹیٹمنٹ یا بینک مینٹیننس سرٹیفکیٹ
- گروی رکھی جانے والی جائیداد یا سیکیورٹی (منقولہ یا غیر منقولہ) کی ملکیتی دستاویزات کی نقول
- بینک کی پالیسی کے مطابق کسی بھی اضافی دستاویز کی فراہمی
درخواست دینے کا طریقہ
اپنے کاروبار کو عسکری بینک کی طرف سے پیش کردہ وزیراعظم یوتھ بزنس اینڈ ایگریکلچرل لون سکیم (PMYB&ALS) کے ذریعے شروع کریں یا بڑھائیں۔ یہ اسکیم ہنرمند اور باہمت نوجوانوں کو خود روزگاری کے مواقع فراہم کرتی ہے جو زراعت اور دوسرے شعبوں میں اپنے چھوٹے سے درمیانے درجے کے کاروبار شروع یا وسیع کرنا چاہتے ہیں۔
